[ ليس للإبداع حدود ]
 
الرئيسيةالبوابةاليوميةس .و .جبحـثالمجموعاتالتسجيلدخول

شاطر | 
 

 ذكرى خيانتك

اذهب الى الأسفل 
كاتب الموضوعرسالة
غزالة الروح



» عدد مسآهمآتـﮱ ♥≈ : 7240
» تاريخ التسجيل ♥≈ : 07/09/2010

مُساهمةموضوع: ذكرى خيانتك    الثلاثاء أكتوبر 04, 2011 4:55 pm

فاكرة

فاكرة لمّا اتغيرت ، بينّا المعاني والسطور

فاكرة لمّا اتبدّلت ، أحلامنا في لحظة غرور

فاكرة لمّا ضاعت الـبسمة الجميلة والسرور

فاكرة لمّا اتكشّفت كل الحقايق والأمور


* * *

لمّا شوفت ف لحظة جوّاكي الحقيقة كدبة راقده
والحقيقة تجرّ ويّا ها الحقيقة وانت صامده
زي عقد اتفرطت حبّاته واحدة بعد واحده
هي دي لحظة خروجك من حياتي شر طرده

* * *

لعبت الصدفة البريئه دور في إظهار الحقيقه
لما شوفتك مرّة دايبه جوا أحلامك غريقه
لمّا حسيت من كلامك لهفة الشوق الجريئه
لمّا لاحت من عينيكي نظرة الحب الدنيئه

* * *

فجأة حسيت بالدمار والانهيار دمّر حياتي
صدمة جامدة اتحطمت فيـها أمالي وأمنياتي
ماتت الدنيا الجميلَةْ فْ قلبي تاهت ذكرياتي
تحت جدران الحقيقة اتكسرت جوّايا ذاتي

* * *

سكنت الضلمة الكئيبه فْ قلب مليان بالجراحْ
تاهت الخطوة الجريئه فْ سكة الوهم اللي راحْ
سكّتي همّ وكآبه ليل ما يطلعه صباحْ
والغريبة انك يا ظالمه جايّه تتمني السماحْ

* * *

انت فاكرة اني صحيح مُمْـ كِنْ أسامحك ع اللي كانْ
أو أسامحك ع الخيانه بعد ما إديتِكْ أمانْ
ولاّ ممكن أنسى غدركْ وأنسى تجريح الزمان
واكتشافي للـحقيـقه بعد ما فات الأوان

* * *

لا يا خاينة ما تحلميش مش هاتضعفني هزيمتِكْ
مش هايئلمني عذابكْ مش هاتغريني ابتسامتكْ
لا ولا يشد انتباهي كلمتك أوحتى صمتِكْ
ضاعت الرحمة اللي عندي والسبب ذكرى خيانتِكْ




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ma7romah.topgoo.net
 
ذكرى خيانتك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات محرومه :: .{.. الأقسآمْ الأدبيۃ ..}. :: { الشعر والخواطر - Literature & Poems-
انتقل الى: